Фото: Марија Нацева / Фејсбук

Во Неготино е во тек реконструкција на тротоари, со која ќе се овозможи полесно движење на пешаци и на лица со посебни потреби. Како што соопшти денеска градоначалничката Марија Нацева, целта на проектот е подобрување на постојната инфраструктура, а преку изведување градежни зафати да се создадат услови за непречено и олеснето движење на пешаците и на лицата со посебни потреби.

Нацева напиша на Фејсбук дека станува збор за тротоари за кои стручните служби утврдиле дека се во незавидна состојба и делумно нефункционални, па токму затоа се пристапило кон нивна реконструкција и обнова.

Во моментов се одвива реконструкција на тротоарот на улица „Маршал Тито“ на потегот од „Либерта“ до градскиот плоштад, како и на улица „Партизанска“ на потегот од градскиот плоштад до спојот со улицата „4  Јули“, со вкупна должина од 653 метри на двата тротоара.

Р. Л.

Сподели

Facebook
Twitter
Pinterest
LinkedIn
Scroll to Top

УПАТСТВО ЗА ПРИСТАП ДО АУДИО ЧИТАЧ НА ВЕБ ПРЕЛИСТУВАЧОТ MICROSOFT EDGE